ასათიანი: ” ახალ სეზონს სრულ მზადყოფნაში ვხვდებით”

წყალტუბოს “სამგურალმა” ახალი სეზონისთვის მზადება დაასრულა. გუნდი თურქული შეკრებიდან შინ დღეს დაბრუნდება და ეროვნული ლიგის პირველი ტურისთვის მზადებას ადგილზე განაგრძობს. ჩვენ იმერელთა ახალგაზრდა ცენტრალურ მცველ ლუკა ასათიანს დავუკავშირდით და მასთან საინტერესო ინტერვიუ ჩავწერეთ:

როგორ შეაფასებდი თურქულ შეკრებას?

“თურქეთში ჩვენს შეკრებას დადებითად შევაფასებდი. იდეალურ საფეხბურთო გარემოში მოვხვდით, სადაც ვარჯიშებმა მაღალ დონეზე ჩაიარა და სპარინგ-პარტნიორებადაც ძლიერი კლუბები გვყავდა. შეიძლება ითქვას, რომ ეროვნული ლიგისთვის 100 პროცენტით მზად ვართ.”

რაზე გაკეთდა ძირითადი აქცენტი შეკრების დროს?

“მწვრთნელებმა ძირითადი აქცენტი ყველა იმ დეტალზე გააკეთეს, რაც ლიგა 1-თვის დაგვჭირდება. გვქონდა როგორც ტაქტიკური და ფიზიკური, ისე ტაქტიკური ვარჯიშები. თუმცა, რაც ყველაზე მთავარია გუნდი ფსიქოლოგიურად მზად არის და ვფიქრობ ყველა ეს ნიუანსი დიდ სარგებელს მოგვიტანს ახალ სეზონში.”

“სამგურალს” წინ მძიმე სეზონი ელოდება. რამდენად არის გუნდი მზად ფიზიკურად და ფსიქოლოგიურად ამ ყველაფრისთვის?

“გუნდში ბალანსი ძალიან კარგად არის დაცული. გვყავს როგორც ახალგაზრდა, ისე გამოცდილი ფეხბურთელი და ვფიქრობ, ყველა გუნდისთვის ანგარიშგასაწევი ძალა ვიქნებით და ჩვენთან წინასწარ 3 ქულის დაგეგმვა ყველას გაუჭირდება.”

შენს სათამაშო ფორმაზე რას გვეტყვი?

“შეკრების დროს მაქსიმალურად ვცდილობდი ფორმაში შევსულიყავი და თავდაუზოგავად ვვარჯიშობდი, თუმცა ყველაფერს ოფიციალური მატჩები გვაჩვენებს. მე კი, ჩემის მხრივ ყველანაირად ვეცდბეი მწვრთნელის იმედები გავამართლო და კარგ სათამაშო ფორმაში შევიდე.”

რა იქნება “სამგურალის” მიზანი ამ სეზონში?

“ჩვენი მიზანი ყველა მატჩში 3 ქულის მოპოვებაა. მჯერა თუ მწვრთნელის დავალებებს ზედმიწევნით შევასრულებთ ყველაფერი კარგად იქნება და სეზონიც წარმატებით ჩაივლის.

ბოლოს მინდა ნაკრების შესახებ გკითხო – ჩვენს გუნდს ახალი მწვრთნელი ჰყავს. როგორია შენი აზრი ამ საკითხთან დაკავშირებით?

” პირველ რიგში ვილი სანიოლს მინდა წარმატებები ვუსურვო. ის ამბიციური პროექტით მოვიდა დ ამჯერა თავის კვლას დატოვებს ქართული ფეხბურთის ისტორიაში. მას დიდი დრო აქვს რომ გაიცნოს როგორც ლეგიონერები ისე ეროვნულ ლიგაში მოასპარეზე ფეხბურთელები. იმედი მაქვს ახალი მწვრთნელი ჩვენს ნაკრებს წარმატებას მოუტანს, რადგან ამ თაობას შეუძლია თავისი სიტყვა თქვას დღევანდელ რეალობაში და გაახაროს ქართველი გულშემატკივარი