ბერიშვილის ორმაგი დუბლი ყატარში

ყატარის ჩემპიონატშ მნიშვნელოვანი გამარჯვება მოიპოვა მიხეილ ბერიშვილის “ალ შამალიმ:. ქართველი ფორვარდის გუნდმა შინაურ კედლებში “ალ არაბი” 97-75 დაამარცხა. ქართველი კალათბურთელი ტრადიციულად სასტარტო ხუთეულში იყო და ორმაგი დუბლიც გაიფორმა. მიშამ 25 წუთში 19 ქულა, 10 მოხსნა და 1 ასისტი მიითვალა, მისი გუნდი კი სატურნირო ცხრილში მე-4 პოზიციაზეა.

ბექა ბურჯანაძის “გრან კანარია” ევროთასის ეგიდით რუსეთში ყაზანის “უნიქსთან” 73-62 დამარცხდა. ქართველმა კალათბურთელმა პარკეტზე 7 წუთი დაჰყო, რა დროშიც 2 ქულა და თითო-თითო მოხსნა-პასი მიითვალა. “გრან კანარია” ამ ეტაპზე ჯგუფში ბოლო ადგილზეა.

ჩემპიონთა ლიგის ჯგუფურ ეტაპზე მარცხი განიცადა გიორგი შერმადინის “ტენერიფემ”, თუმცა ამ მარცხში გიორგის მონაწილეობა არ მიუღია (განაცხადში არ იყო). “ტენერიფე” გასვლაზე 96-78 დამარცხდა “ბაკენ ბერსთან”, თუმცა ამ მარცხის მიუხედავად ტენერიფელებმა ჯგუფი პირველ ადგილზე დაასრულეს.