“გლდანი” ყოველდღიურად ვითარდება და ჩვენი მიზანი წარმატებისთვის საჭირო ყველა საფეხურის ღირსეულად გავლაა.

  სკ. გლდანის  დაარსების  ისტორია  და  კლუბის  მომავალი, ინტერვიუ  სკ. გლდანის  2011, 2010 და 2003 წელს დაბადებულთა გუნდების მთავარ მწვრთნელს და კლუბ გლდანის  მოქმედ   ფეხბურთელს  ირაკლი ხეცურიანთან .  

რას გვეტყვით კლუბზე და დაარსების ისტორია..?

ჩვენი გუნდი, სკ “გლდანი” 2018 წლის 26 იანვარს დაარსდა, მისი დამფუძვნებელი ამავე რაიონის მცხოვრები ფეხბურთში მოღვაწე ორი პირი პაატა ჯინჭარაძე და ზურაბ ჯიბუტი არიან. “გლდანის” შექმნას საფუძვლად უდევს ფეხბურთის, ბავშვებისა და ხალხის სიყვარული, კლუბი ემსახურება გლდანის რაიონში ფეხბურთის პუპულარიზაციას. სკ “გლდანს” ბავშვთა სკოლასთან ერთად ყავს დიდი გუნდი, რომელიც საქართველოს რეგიონალურ ლიგაში ასპარეზობს და გუნდის ფეხბურთელების უმეტესი ნაწილი, ამავე კლუბის ბავშვთა სკოლის ასაკობრივი გუნდების მწვრთნელები არიან ჩემი ჩათვლით.

რამდენი მწვრთნელი ხემძღვანელობთ  კლუბს ..?

საფეხბურთო კლუბ “გლდანში” დასაქმებულია 13 მწვრთნელი, როგორც ასაკობრივი გუნდების მთავარ მწვრთნელებად, ასევე ასისტენტებად, რომლებიც სტაჟირებას გადიან, ამ ცამეტი მწვრთნელიდან 10 მწვრთნელი კი სკ “გლდანის” მთავარ გუნდში მოთამაშე ფეხბურთელები არიან, რაც ექსკლუზიური მოვლენაა საქართველოში, დამეთანხმებით ჩვენი აღსაზრდელებისათვის დამატებითი მოტივაციაა, საკუთარი მასწავლებლების თამაშისთვის თვალყურის მიდევნება. ყველა მთავარ მწვრთნელს სხვა და სხვა კატეგორიის უეფას ლიცენზიები გვაქვს და ბავშვები კვალიფიცირებულ მწვრთნელებთან გადიან სწავლებას.

როგორი პირობებია კლუბში..?

კლუბში პირველ რიგში ძალიან მეგობრული და სამუშაოდ საკმაოდ კომფორტული გარემოა შექმნილი. ჩვენი სიძლიერე ურთიერთ თანამშრომლობაში და ყოველდღიურ პროგრესშია. ფეხბურთი დღითი დღე ვითარდება და თანამედროვე მეთოდები სწავლებაში ძალიან მნიშვნელოვანია, ჩვენს საფეხბურთო სკოლაში, ბავშვები ვითარდებიან ფიზიკურად, ტექნიკურად, ტაქტიკურად, პიროვნულად და ასევე ზოგადი განათლებით, რაც საბოლოო ჯამში მოგვცემს კარგი ხარისხის ფეხბურთელს, რომლებიც ასე ძალიან სჭირდება დღეს ჩვენს ქვეყანას.

რა არის თქვენი კლუბის მიზანი..?

“გლდანი” ყოველდღიურად ვითარდება და ჩვენი მიზანი წარმატებისთვის საჭირო ყველა საფეხურის ღირსეულად გავლაა. ბავშვთა ასაკობრივ გუნდებში ჩვენი პრიორიტეტი კონკრეტული მატჩის რეზულტატი არ არის, მთავარი მატჩიდან მატჩამდე სათამაშო ხარისხის გაუმჯობესებაა. ინდივიდუალური, ფსიქოლოგიური მიდგომა ყველა ბავშვთან საჭიროა, ვინაიდან ბავშვებთან მუშაობა ნამდვილად სპეციფიურია, ამიტომ მთავარი პრიორიტეტი, ბავშვების პოტენციალის სწორად გამოყენება და მათი მაღალი ხარისხის ფეხბურთელად ჩამოყალიბებაა. რაც, შეეხება დიდ გუნდს სწორი და დაუღალავი შრომითვიმედოვნებ ეტაპობრივად წინ და წინ წავა და მალე შეაბიჯებს ქართული ფეხბურთის ელიტაში.

და რას ეტყოდით მშობლებს მომავალში რომ ატარონ შვილები ფეხბურთზე ..?

ფეხბურთი მთელს მსოფლიოში ყველაზე მოთხოვნადი და პოპულარული სპორტია, მშობელი შვილისთვის ცდილობს საუკეთესოს არჩევას, ფეხბურთი კი ბავშვს ეხმარება როგორც, სპორტულ განვითარებაში, ასევე პიროვნებად ჩამოყალიბებაში, აღსაზრდელები ფეხბურთზე სიარულით სწალობენ გუნდურობას, ურთიერთობას, როგორც ბავშვებთან ასევე უფროსებთან, მეგობრობას, რიდს, დამოუკიდებლობას, მისდევენ ჯანსაღი ცხოვრების წესს და იღებენ ფეხბურთისთვის საჭირო, ფიზიკურ, ტექნიკურ და ტაქტიკურ თვისებებს, ჩვენ მწვრთლებენი კი ვალდებულნი ვართ შევქმნათ პოზიტიური და შრომისუნარიანი გარემო. ნამდილად ყველას ვურჩევდი ითამაშოს და იცხოვროს ფეხბურთით.

გლობალსპორტი   მადლობას  გიხდით  დრო რო გამონაახეთ ჩვენთვის  და წარმატებას   გისურვებთ  მომავალში .