ზუგდიდმა ეროვნულ ლიგა 2 ში ადგილი შეინარჩუნა

⚽️⚽️⚽️ზუგდიდმა, ეროვნულ ლიგა 2-ში ადგილი გაინაღდა

🔷მართალია, ჩემპიონატის დასრულებამდე ზუგდიდელებს უკვე 2 თამაში დარჩათ და მის კუნკურენტს, “ცხინვალს” კი (3 თამაში) ძალიან მცირე თეორიული შანსი რჩება, ქულებით გაუთანაბრდეს და პლეიაუტი აიცილოს, მაგრამ უკვე თამამად შეიძლება თქმა, რომ ზუგდიდელები სოლიდურ უპირატესობას არაფრით გაანიავებენ. თეორიული შანსი ვახსენეთ-ეს იმ შემთხვევაში მოხდება, როცა “ცხინვალმა” სამივე თამაში უნდა მოიგოს და ზუგდიდმა, კი ორივე მატჩი დათმოს, რაც უკვე ძნელი წარმოსადგენია -შიდაქართლელებთან 9 ქულიანი უპირატესობაა.

🔷რაც შეეხება დღევანდელ თამაშს- მიუხედავად მინიმალური ანგარიშისა, აბსოლუტურ უპირატესობას ფლობდა სტუმარი გუნდი -ფაქტობრივად მასპინძლებს რეალური საგოლე მომენტი არც ჰქონიათ. პირველ ნახევარში, მასპინძლები აშკარა გოლს, მეკარე ლაშა გორდულავამ გადაარჩინა, როცა ლუკა გუგუჩიამ, მათსავე ნახევარზე, ბურთი წაართვა მეტოქეს და პირისპირ დარჩენილს, გორდულავამ არ გაატანინა. გუგუჩიას მეორე მცდელობა, კვლავ გორდულავამ გაანეიტრალა. უნდა აღინიშნოს, რომ ექსზუგდიდელი, ახალბედა კიპერი ლაშა გორდულავა სხვა ეპიზოდებშიც ჩინებულად გაისარჯა. მომდევნო ჯერზე კი, ხელსაყრელ პოზიციაზე, ირაკლი კლიმიაშვილი აღმოჩნდა, მაგრამ მას მცველები გადაეღობნენ.

🔷მეორე ნახევარშიც კვლავ სტუმრები აქტიურობდნენ და მალევე ანგარიშიც გაიხსნა. საკუთარ საჯარიმოში ხელით თამაშის გამო, გურულთა კარში პენალტი დაინიშნა. თერმეტრიანის ნიშნულიდან კი ლუკა გუგუჩიამ ბურთი, უნაკლოდ დაარტყა და საკუთარ აქტივს კიდევ ერთი მიუმატა. ამის შემდეგაც სტუმრებს არაერთი შანსი ჰქოდათ, მაგრამ როგორცზემოთ ვახსენეთ, გორდულავას იდელურმა თამაშმა ბევრი რამ განაპირობა. მან, კვლავ მოიგერია გუგუჩიას ახლოდან დარტყმული ბურთი, რომელიც გვერდითა ძელს მოხვდა, ხოლო შემდეგ ნიკოლოზ ხუნჯგურუას არ გაატანინა. საბოლოოდ, სტუმრებმა მეტოქე მინიმალური ანგარიშით დაამარცხეს და ამ მოგებით, მომავალ სეზონზეც ეროვნულ ლიგა 2-ში მონაწილეობა ფაქტობრივად გაინაღდეს.

🔷34-ე ტურის შემდეგ ეროვნულ ლიგაში, სანაკრებო თამაშების შედეგად, შესვენება გამოცხადდება და გუნდები ფაქტიურად მორიგ ოფიციალურ ტურს, 13 დღე არ გამართავენ.

➡️⚽️ეროვნული ლიგა 2 – XXXIV ტური

➡️⚽️🇬🇪”გურია – ზუგდიდი” – 0:1

✔️გოლი: ლუკა გუგუჩია (პენ. 50-ე წთ)

✔️”გურია”: გორდულავა, ხაჭაპურიძე, ჟვანია, ვირუბოვი, კოტრიკაძე, ალექსანდრე აპი, ჯონ მაჩარია (ბახია 63-ე წთ), შენგელია (შარაშენიძე 46-ე წთ), ამაეჩი (ამაეჩი 68-ე წთ), კურდღელაშვილი, ებრალიძე

✔️სათადარიგო:სტურუა, მიხაილოვი, ოლხოვი, კუკულავა

✔️მთ. მწვრთნელი: თეიმურაზ ლორია

✔️”ზუგდიდი”: ჯომიდავა, მინდორაშვილი, მოსემღვდლიშვილი, წურწუმია, ჯიმშელეიშვილი, ბურკაძე, ქირია (ნადირაძე 88-ე წთ), გილმორე, კლიმიაშვილი (მესხი 60-ე წთ), ხუნჯგურუა, გუგუჩია (რუხაია 77-ე წთ)

✔️სათადარიგო: ქარდავა, ბერიშვილი, აბსანძე

✔️მთ.მწვრთნელი: კახა გოგიჩაიშვილი

✔️გაფრთხილება:კურდღელაშვილი (28-ე წთ), ამაეჩი (49-ე წთ), ბურკაძე (66-ე წთ), წურწუმია (72-ე წთ), გილმორე (75-ე წთ), კოტრიკაძე (77-ე წთ), მესხი (83-ე წთ), ნადირაძე (90+1-ე წთ).