⚽️ კახა კვეტენაძე – 50 შეხვედრის მე–4 წუთზე დრიბლინგით გზიდან ჩამოცილებული ნახევარი “ლომელი”,გატანილი გოლი და გერმანულ გრანდთან შეხვედრის პერსპექტივა!

კახა კვეტენაძე ქუთაისის “ტორპედოს” ერთერთ ლეგენდას და მოედანზე ფუტკარივით მშრომელ ფეხბურთელს ძალიან ბევრი გამარჯვების მომტანი და მნიშვენელოვანი გოლი აქვს გატანილი, მაგრამ ალბათ ინტერტოტოს თასზე ბელგიურ “ლომელთან” განმეორებით შეხვედრაში (1 მატჩი სტუმრად 1:0 ზაზა ვაჩიბერაძის გოლით “ტორპედომ” მოიგო) მე–4 წუთზე გატანილს სილამაზით გვეჭვება, რომელიმე შეედაროს. კახამ მოედნის ცენტრთან ახლოს მარცხენა ფლანგზე მიიღო ბურთი, გზად დრიბლინგით ერთიმეორის მიყოლებით ჩამოიცილა რამოდენიმე მეტოქე მეკარეც ოსტატურად დააწვინა და იმერულ კლუბს გერმანულ გრანდთან “ვერდერთან” შემდეგ ეტაპზე შეხვედრის იმედი ჩაუსახა, მაგრამ შემდეგ “ტორპედომ” 2 გაუშვა და სტუმრად გატანილი მეტი გოლის წყალონით ეს საგზური ბელგილებმა მიიღეს თუმცა კახას ეს გოლი ისტორიას შემორჩა და კიდევ დიდხანს ემახსოვრება ქართველ გულშემატკივარს მისი სილამაზე.
კვეტენაძე “ტორპედოში” გამოდიოდა 1993 – 2001, 2004, 2007 წლებში. გუნდის რეკორდსმენი ეროვნულ ჩემპიონატებში ჩატარებული მატჩების რაოდენობით – 261 და გაიტანა 30 ბურთი.
თამაშობდა სამტრედიის “ლოკომოტივში” (1988-89, სსრკ მე-2 ლიგა, 61 მატჩი), ფიზკულტურის ინსტიტუტის გუნდში, წყალტუბოს “სამგურალში”, ფოთის “კოლხეთში”, ტყიბულის “მეშახტეში”
მან ლეგიონერობაც მოსინჯა ,თმაშობდა “ორდაბასში” (ყაზახეთი) და “კუსარიში” (აზერბაიჯანი).
კვეტენაძე საქართველოს ორგზის ჩემპიონი, ორგზის ვერცხლის და ბრინჯაოს პრიზიორი. ორგზის საქართველოს თასის მფლობელი
წლების მანძილზე იყო “ტორპედოს” კაპიტანი.
1998 წელს ჩაატარა 2 მატჩი ეროვნული ნაკრების შემადგენლობაში: აზერბაიჯანის და ესტონეთის გუნდების წინააღმდეგ.

წყარო: სპორტ პანორამა