Connect with us

ფეხბურთი

ლეგიონერების დღე: პოლონეთში კვეკვესკირის დებიუტი შედგა

პოლონეთი – პოლონეთის თასის 1/8-ში პოზნანის “ლეხმა” პენალტების სერიაში დაამარცხა “რადომი”. აღნიშნული მატჩის ძირითადი დრო 0-0 დასრულდა, დამატბით დროში კი გუნდებმა ერთმანეთს პენალტებიდან გაუტანეს, უშუალოდ თერთმეტმეტრიანების სერიაში კი, ქართველთა გუნდმა 4-3 იმარჯვა. ამ შეხვედრაში პირველად მოირგო “ლეხის” ფორმა საქართველოს ნაკრების წევრმა ნიკა კვეკვესკირმა, რომელიც თამაშში66-ე წუთზე ჩაერთო და პენალტების სერიაში მიიღო მონაწილეობაც. ნიკამ რანგით მეექვსე პენალტი ზუსტად შეასრულა. “ლეხის” მეორე ქართველ ნიკა კაჭარავას მატჩში მონაწილეობა არ მიუღია. როგორც იცით, ქართველი ცენტრფორვარდი ტრავმირებულია.

თურქეთი – თურქეთის თასის ნახევარფინალში გასვლამდე ცოტა დააკლდა ლევან შენგელიას და მის “ქონიასფორს”. ქართველის გუნდმა “ბეშიქთაშს” დიდი ბრძოლა გაუმართა თუმცა პენალტების სერიაში 3-2 დამარცხდა. ლევანი ძირითად შემადგენლობაში იყო და 61-ე წუთზე შეცვალეს.

ესპანეთი – გიორგი ქოჩორაშვილის “ლევანტემ” კოპა დელ რეის პირველ ნახევარფინალურ მატჩში გასვლაზე “ბილბაოსთან” ფრეს დასჯერდა (1-1), რითაც მცირე უპირატესობა მოიპოვა. ქოჩორაშვილი ამ მატჩში განაცხადს მიღმა დარჩა.

კვიპროსი – კვიპროსის ჩემპიონატის 24-ე ტურში მნიშვნელოვანი მატჩი წააგო ირაკლი მაისურაძის “პარალიმნიმ”. ქართველი ფეხბურთელის გუნდი გასვლაზე “პაფოსთან” 2-1 დამარცხდა და კვლავ ფლეი-აუტის ზონაში იმყოფება. მაისურაძემ შეუცვლელად ითამაშა.

ბელგია – გიორგი ჩაკვეტაძის გარეშე მოასპარეზე “გენტმა” ბელგიის თასის 1/4-ში გააღწია. ჩაკვეტაძის გუნდმა “შაერლერუა” 3-1 დაამარცხა.

იტალია – იტალიის ახალგაზრდულ ლიგაში “ინტერის” მაისურით ბოლო 20 წუთი ითამაშა მოლდოვის სახელით მოასპარეზე 18 წლის ქართველმა შემტევმა ლადო ახალაიამ. “ინტერმა” ლიდერი “რომა” მინიმალური ანგარიშით (1-0) დაამარცხა და ცხრილში მე-4 პოზიციაზე გადაინაცვლა.

Total Page Visits: 205 - Today Page Visits: 1
Click to comment

Leave a Reply

თქვენი ელფოსტის მისამართი გამოქვეყნებული არ იყო. აუცილებელი ველები მონიშნულია *

Facebook

სარეკლამო ადგილი


ჩვენი პარტნიორები