Connect with us

ფეხბურთი

ლიონელ მესი: დროა გამოვიჩინოთ პასუხისმგებლობა და დავრჩეთ სახლში

არგენტინის ნაკრებისა და „ბარსელონას“ კაპიტანი ლიონელ მესი კორონავირუსთან დაკავშირებით შექმნილ სიტუაციას Instagram-ზე გამოეხმაურა.  არგენტინელი ფეხბურთელის თქმით, ამ რთულ დღეებში ყველამ პასუხისმგებლობა უნდა გამოიჩინოს და სახლში დარჩეს.

„ყველასათვის რთული დღეები დადგა. შეშფოთებულები ვართ იმით, რაც ხდება, და გვსურს წარმოვიდგინოთ ჩვენი თავი მათ ადგილზე, ვინც ამ სიტუაციაში ყველაზე მეტად დაზარალდა, ვინაიდან ვირუსი შეეხო მათ, მათ ოჯახებსა ან მეგობრებს, და მათ ადგილზე, ვინც ბრძოლის წინა ხაზზე, ჰოსპიტლებსა და სამედიცინო ცენტრებში მუშაობს. ეს განსაკუთრებული მომენტია და ყველამ უნდა შევასრულოთ ის რეკომენდაციები, რომლებსაც ჯანდაცვის ორგანიზაციები და ხელისუფლება გასცემს. ეს არის ბრძოლის ერთადერთი ეფექტური გზა. დროა გამოვიჩინოთ პასუხისმგებლობა და დავრჩეთ სახლში. ეს ასევე საუკეთესო მომენტია იმისთვის, რათა მეტი დრო გავატაროთ საყვარელ ადამიანებთან ერთად, რაც ხშირად არ გამოგვდის. იმედი მაქვს, რომ ამ სიტუაციის გამოსწორებას უახლოეს მომავალში შევძლებთ“, – წერს ლიონელ მესი.

Total Page Visits: 358 - Today Page Visits: 3
Click to comment

Leave a Reply

თქვენი ელფოსტის მისამართი გამოქვეყნებული არ იყო. აუცილებელი ველები მონიშნულია *

სარეკლამო ადგილი


Facebook

ჩვენი პარტნიორები