“საუთჰემპტონმა” შესაძლოა ინგსი გაყიდოს

როგორც “საუთჰემპტონის” ავსტრიელმა მწვრთნელმა რალფ ჰაზენჰუტმა განაცხადა, მისი გუნდი შესაძლოა ზაფხულში დენი ინგსს შეელიოს, რომელიც გუნდის ერთპიროვნულ ლიდერად ითვლება. როგორც ჰაზენჰუტმა დასძინა, მის გუნდს არ აქვს ფუფუნება რომ ფეხბურთელის ყოველკვირეული ხელფასი (75 000 ფუნტი) დააკმაყოფილოს და იმის გათვალისწინებით რომ ინგლისელ შემტევს გუნდთან კონტრაქტი 2022 წლის ზაფხულში ეწურება, ისინი მის სარფიანად გაყიდვას შეეცდებიან.

თუმცა, ავსტრიელმა დამრიგებელმა ასევე განაცხადა რომ გუნდის მთავარი პრიორიტეტი 28 წლის ინგლისელის შენარჩუნებაა და გუნდის ხელმძღვანელობა ამისათვის ყველაფერს გააკეთებს.

მიმდინარე სეზონში დენი ინგსი შესაშურ ფორმაშია, მან პრემიერლიგის 13 მატჩში 7 გოლის გატანა მოახერხა და გუნდის წარმატებაში ლომის წვლილი მიუძღვის.