Connect with us

ავტოსპორტი

‘ჩვენ მეგობრები არ ვართ’ – შუმახერის რუსი თანაგუნდელისთვის მიკის გვარი სულერთია

  • Facebook Profile photo

 

ფორმულა 1-ის ახალ სეზონში, რომელიც სავარაუდოდ 28 მარტს, ბაჰრეინის გრანპრით დაიწყება, 21 წლის მიკ შუმახერს თანაგუნდელის მხარდაჭერის და გუნდური მოქმედების იმედი არ უნდა ჰქონდეს.

რუსი ნიკიტა მაზეპინი, რომელიც ასევე 21 წლისაა და ახალ სეზონში ჰაასში მიხაელ შუმახერის შვილის თანაგუნდელი იქნება, მიკთან მეგობრობას არ აპირებს. ამის შესახებ მან რუსული ტელეკომპანია “მატჩ TV-ის” ინტერვიუში ისაუბრა.

“ჩვენ მეგობრები არ ვართ, მაქსიმუმ ძველი ნაცნობები ვართ, რადგან ადრე კარტინგში ერთად ვიყავით,” – განაცხადა მაზეპინმა, რომელიც გასული წლის ბოლოს სექსისტურ სკანდალში გაეხვა და ფორმულა 1-ის დიდ სცენაზე კინაღამ ადგილი დაკარგა.

2013 და 2014 წლებში მაზეპინი და შუმახერი Tony Kart-ში თანაგუნდელები იყვნენ. მიუხედავად ერთად გატარებული საკმაოდ დიდი პერიოდისა, მათ ახლო ურთიერთობა არ ჰქონიათ – როგორც რუსი მრბოლელი ამბობს.

მაზეპინი: “ასეთ რაღაცებზე არ ვფიქრობ – სიმართლე გითხრათ, მისი გვარი ჩემთვის აბსოლუტურად სულერთია. გვარმა შეიძლება ძალა შეგმატოს, მაგრამ სტატუსს დიდი წნეხიც მოყვება.”

 

ნიკიტა მაზეპინი ჰაასში მიკ შუმახერის თანაგუნდელია

უკვე ფაქტია, რომ შუმახერისა და მაზეპინის დუელი ჰაასში ძალიან საინტერესო იქნება. ფორმულა 1-ში ორივე ახალწვეულია – ჰაასში მათ გამოცდილი პილოტები, რომან გროსჟანი და კევინ მაგნუსენი შეცვალეს. გამორიცხული არ არის, რომ მაზეპინმა ჰაასის კოკპიტში ადგილი დიდხანს ვერც შეინარჩუნოს, რადგან ხსენებული სექსისტური სკანდალის შემდეგ მას ყველა აკრიტიკებს. სოციალურ ქსელებში შექმნილია სპეციალური ჰეშტეგი #WeSayNoToMazepin, რომლითაც ფანები მაზეპინის ფორმულა 1-დან მოკვეთას ითხოვენ.

FIA-ში მაზეპინის სკანდალზე კომენტარი ჯერ კიდევ არ გაუკეთებიათ. ჰაასის გუნდმა კი განაცხადა, რომ რუს მრბოლელს სანქციები დააკისრეს.

Total Page Visits: 305 - Today Page Visits: 4
Click to comment

Leave a Reply

თქვენი ელფოსტის მისამართი გამოქვეყნებული არ იყო. აუცილებელი ველები მონიშნულია *

Facebook

სარეკლამო ადგილი


ჩვენი პარტნიორები