ხაბულიანი: “გუნდი ერთი დიდი ოჯახივითაა”

გასულ სეზონში ეროვნულ ლიგა -1ის გასულ სეზონში დებიუტი ჰქონა 16 წლის გიორგი ხაბულიანს, რომელიც თბილისის “მერანის” რიგებში ასპარეზობდა და ჩემპიონატის 10 მატჩში მიიღო მონაწილეობა. ახალგაზრდა ფეხბურთელმა გუნდი გამოიცვალა და კვლავაც ლიგა 1-ში იასპარეზებს, სადაც “თელავის” ღირსებას დაიცავს.

ჩვენს ახალგაზრდა თავდამსხმელს დავუკავშირდით და მასთან საინტერესო ინტერვიუ ჩავწერეთ:

რას იტყვი ახალ გუნდზე და როგორია შენი პირველი შთაბეჭდილებები?

ახალ გუნდზე მხოლოდ დადებითის თქმა შემიძლია. ბიჭებთან და მწვრთნელებთან პირველივე დღიდან კარგი ურთიერთობა ჩამომიყალიბდა, გუნდი ერთი დიდი ოჯახივითაა შეკრული და მიხარია რომ მეც ამ ოჯახის ნაწილი გავხდი.

რა იქნება გუნდის მიზანი ამ სეზონში?

ჩვენი მიზანი ყველა მატჩში 3 ქულის მოპოვება იქნება და ვეცდებით რომ ჩემპიონატი რაც შეიძლება მაღალ ადგილზე დავასრულოთ.

შენ საკმაოდ ადრეულ ასაკში გქონდა დებიუტი პირველ ლიგაში. რას იტყვი განვლილ სეზონზე და როგორი იყო ის პირადად შენთვის?

მე მერგო პატივი რომ 16 წლის ასაკში პირველ ლიგაში მეთამაშა, რისთვისაც მადლობას ვუხდი ყველას ნდობისათვის. გუნდისთვის სეზონი ცუდი გამოდგა, რადგან ადგილის შენარჩუნება ვერ მოვახერხეთ, თუმცა ვფიქრობ რომ ჩემთვის ეს სეზონი ნაყოფიერი იყო, რადგან უდიდესი გამოცდილება შევიძინე, რაც მომავალში აუცილებლად გამომადგება.

რა იქნება “თელავის” მთავარი იარაღი მომავალ სეზონში?

დარწმუნებული ვარ რომ “თელავთან” ნებისმიერ გუნდს გაუჭირდება წარმატებით თამაში. ჩვენი მთავარი კოზირი სწრაფი და აგრესიული შეტევა იქნება და მჯერა ეს ყველაფერი წარამტებას მოგვიტანს.

აქვე გეტყვით რომ “თელავმა” პირველი ამხანაგური მატჩი გამართა, სადაც საგარეჯოს “გარეჯს” 4-3 მოუგო და ამ მატჩში გიორგი ხაბულიანმა თავისი პირველი გოლის გატანაც მოახერხა.