🏀🏆თორნიკე შენგელიას “ბასკონია” ესპანეთის ჩემპიონია!

რამდენიმე წუთის უკან ესპანეთის ჩემპიონატის ფინალში თორნიკე შენგელიას “ბასკონიამ” “ბარსელონა” 69:67 დაამარცხა და ოქროს მედლებს დაეუფლა.
თანაბარი პირველი მეოთხედის შემდეგ მეორე პერიოდში “ბარსამ” უკეთ ჩაატარა, ზუსტი სამქულიანების წყალობით 9 ქულით გაიჭრა წინ, დიდ შესვენებაზე კი 6-ქულიანი უპირატესობით გავიდა. მესამე მეოთხედში ბასკურმა გუნდმა ანგარიში გაათანაბრა, მეოთხე პერიოდის შუაში შენგელიასთან ბრძოლაში მიროტიჩმა მეხუთე პერსონალური მიიღო და “ბასკონიამაც” გადამწყვეტი უპირატესობა მიიღო, თუმცა მატჩის დასრულებამდე 10 წამით ადრე ტაბლოზე 67:67 ენთო და შეტევა “ბასკონიასი” იყო ეს შანსი მათ კარგად გამოიყენეს და 7 წამში სასურველი 2 ქულა ჩააგდეს, ბოლოს 3 წამით ადრე “ბარსელონამ’ სამქულიანი ააცილა და თოკოს გუნდმაც ჩემპიონობა მოიპოვა.
შენგელიამ 33:11 წუთში 14 ქულა (8-დან 3 ორქულიანი, 6-დან 1 სამქულიანი, 6-დან 5 საჯარიმო), 4 მოხსნა და 2 პასი მიითვალა ეს “ბასკონიას” რიგით მეთხე ჩემპიონობაა არსებობის მანძილზე 🏆 2002 🏆 2008🏆 2010🏆 2020

წყარო: სპორტ პანორამა